Rajabeema Movie Review

சுரபி மோகன் தயாரிப்பில் நரேஷ் சம்பத் இயக்கத்தில் பிக்பாஸ் புகழ் ஆரவ், ஆஷிமா நர்வால், யாஷிகா ஆனந்த், நாசர், அருவி மதன், கே எஸ். ரவிக்குமார்,ஷியாஜிசண்டே மற்றும் பலர் நடித்து வெளியாகியுள்ள படம் ராஜபீமா கதை சிறுவன் ராஜா அம்மாவை இழந்து மனவேதனையில் இருக்கிறான். அந்த சந்தர்ப்பத்தில் அவனுக்கு ஆறுதல் தரும் விதமாக ஒரு யானையுடன் தொடர்பு உருவாகிறது. ராஜாவுக்கு யானையையும், யானைக்கு ராஜாவையும் பிடித்துப் போக, ராஜாவின் அப்பா யானையை வீட்டில் வைத்து வளர்க்க முடிவெடுக்கிறார். அதற்கான முறையான அனுமதியும் பெறுகிறார். யானைக்கு பீமா என பெயர் வைக்கப்படுகிறது. ராஜாவும் பீமாவும் உயிருக்கு உயிராக பழகுகிறார்கள். ராஜா வளர்ந்து வாலிபனாகிறான்.
ஒரு கட்டத்தில் ராஜா, யானைகளைக் கொன்று தந்தம் கடத்துபவர்களை காட்டிலாக்கா அதிகாரியிடம் பிடித்துக் கொடுக்கிறான். கொஞ்ச நாட்கள் கடந்தபின், மதம் பிடித்துள்ளது என்று சொல்லி அரசு அதிகாரிகள் பீமாவை புத்துணர்வு முகாமுக்கு அதிரடியாக அழைத்துப் போகிறார்கள். ராஜா பதறியடித்துக் கொண்டு முகாமுக்கு ஓடினால், பீமா அங்கு இல்லையென்பது தெரியவருகிறது. பீமாவை யார் கடத்தினார்கள்? எதற்காக கடத்தினார்கள்?என்பதை ஆரவ் கண்டுபிடித்து பீமாவை உயிரோடு மீட்டாரா? இல்லையா? என்பதே படத்தின் மீதிக்கதை. ராஜாவாக ஆரவ் நபிப்பிலும் பாடல் காட்சிகளிலும் சண்டைக் காட்சிகளிலும் சிறப்பாக நடித்துள்ளார்.கதாநாயகியாக ஆஷிகா நெர்வால் கொடுத்த கதாபாத்திரத்தை சிறப்பாக செய்துள்ளார். ஓவியா நட்புக்காக ஒரு பாடலில் வந்து நம்மை கிறங்க வைத்துள்ளார்.ஜோதிடத்தை நம்பி பதவிக்காக எதையும் செய்யத் தயாராக வனத்துறை அமைச்சராக வில்லனாக K.S. ரவிக்குமார் சிறப்பாக நடித்துள்ளார்.அமைச்சரின் வளர்ப்பு மகனாக வருகிற யோகிபாபு காமெடியில் கலக்கியுள்ளார்.யாஷிகா ஆனந்த், அருவி மதன், நாசர், ஷியாஜிசண்டே என இதில் நடித்த அனைவருமே அவரவர் கதாபாத்திரம் உணர்ந்து சிறப்பாக நடித்துள்ளனர்.பீமாவாக நடித்திருக்கும் யானையின் நடிப்பும் அருமை.சைமன் கே கிங்ஙின் இசையில் பாடல்களும் பிண்ணனி இசையும் ரசிக்க வைக்கிறது. ஒளிப்பதிவும் படத்திற்கு பெரிய பலம்.இயக்குநர் நரேஷ் சம்பத் யானையை வைத்து எல்லோரும் ரசிக்கும்படியான படத்தை கொடுத்துள்ளார். பாராட்டுக்கள்