Once Upon A Time In Madras Movie Review
Once Upon A Time In Madras Movie Review
கேப்டன் M P ஆனந்த் தயாரிப்பில் பிரசாத் முருகன் இயக்கத்தில் பரத், அபிராமி, அஞ்சலி நாயர், தலைவாசல் விஜய், ராஜாஜி, கனிகா, ஷான், கல்கி, பவித்ரா லஷ்மி, PGS, அரோல் D சங்கர் மற்றும் பலர் நடித்து டிசம்பர் 13 ல் வெளியாகும் படம் ஒன்ஸ் அபான் ஏ டைம் இன் மெட்ராஸ்.
கதை
உயிருக்கு போராடும் காதல் மனைவியை காப்பாற்ற போராடும் ஆட்டோ ஓட்டுநர் பரத், பணத்திற்காக எதையும் செய்ய தயாராகிறார். அந்த நேரத்தில் அவரிடம் ஒரு துப்பாக்கி கிடைப்பதோடு, அதற்கான ஒரு வேலையும் வருகிறது. தன் மனைவிக்காக அந்த வேலையை அவர் செய்தாரா? இல்லையா? என்பது ஒரு கதை.
கணவர் இல்லாமல் தனி ஆளாக தன் மகனை வளர்க்கும் துப்புரவு தொழிலாளி அபிராமிக்கு மகனை மருத்துவம் படிக்க வைக்க வேண்டும் என்று ஆசை. ஆனால், அவரது மகன், மனதளவில் பெண்ணாக மாறிக்கொண்டிருப்பதை அறிந்த அபிராமி, மகனாக இருந்தவரை மகளாக அரவணிப்பதோடு, மகளை மருத்துவராக்கும் ஆசையை மாற்றிக்கொள்ளாமல் பயணிக்கிறார். அதனால் அவர் கடனாளியாகி விட, கடன் கொடுத்தவர் வட்டி கேட்டு மிரட்டுவதோடு, அவரது மகனாக பிறந்து மகளாக மாறியவருக்கு தொல்லையும் கொடுக்கிறார். கடனை திருப்பி கொடுக்க என்ன செய்வதென்று தெரியாமல் தவிக்கும் அபிராமியிடம் ஒரு துப்பாக்கி கிடைக்க, அதன் மூலம் தன் பிரச்சனையை தீர்த்துக்கொள்ள முயற்சிக்கிறார். அது முடிந்ததா? என்பது மற்றொரு கதை.
படித்து பெரிய வேலையில் சேர்ந்து சொந்த காலில் நிற்க வேண்டும் என்று ஆசைப்படும் அஞ்சலி நாயருக்கு வீட்டில் திடீர் திருமணம் செய்து வைத்து விடுகிறார்கள். திருமணம் ஆனால் என்ன?, ஆசைப்பட்டபடி வேலைக்கு செல்லலாம் என்று அவர் நினைக்கும் போது கர்ப்பமடைந்து விடுகிறார். ஆனால், அந்த கர்ப்பத்திற்கு தன் கணவன் காரணம் அல்ல, என்ற உண்மையை தெரிந்துக் கொள்வதோடு, திருமணம் என்ற பெயரில் தான் சதிவலையில் சிக்கியிருப்பதையும் அறிந்துக்கொள்கிறார். அதில் இருந்து விடுபட முயற்சிப்பவர் கையில் துப்பாக்கி ஒன்று கிடைக்கிறது. அந்த துப்பாக்கி சதிவலையை அறுப்பதற்கு பயன்பட்டதா? இல்லையா? என்பது மூன்றாவது கதை.
சாதி வெறிப்பிடித்த தலைவாசல் விஜயின் மகள் பவித்ரா லட்சுமி, வேறு சாதியைச் சேர்ந்தவரை காதலிக்கிறார். விசயம் அறிந்தவர், மகளுக்கு அன்பாக அறிவுரை சொல்லிவிட்டு சாதி பஞ்சாயத்துக்கு செல்லும் போது, அவருக்கே தெரியாமல் அவர் காரில் துப்பாக்கி ஒன்று பயணிக்கிறது. அதை காவல்துறையிடம் ஒப்படைக்க நினைக்கும் போது, வேலைக்கு சென்ற மகள், காதலனை பதிவுத் திருமணம் செய்ய இருக்கும் தகவல் கிடைக்கிறது. கொலைவெறியோடு திருமணத்தை தடுத்து நிறுத்துவதற்கு செல்லும் தலைவாசல் விஜய், துப்பாக்கியை வைத்து என்ன செய்தார்? என்பது நான்காவது கதை.
எந்தவித தொடர்பும் இல்லாமல் பயணிக்கும் நான்கு கதைகளையும், தொடர்புபடுத்தும் அந்த துப்பாக்கி இவர்களிடம் எப்படி கிடைத்தது? அதன் மூலம் இவர்களின் வாழ்க்கை எத்தகைய மாறுதல்களை உருவாக்குகிறது? என்பதை நான்-லீனர் முறையில் சொல்வியிருப்பது தான் ’ஒன்ஸ் அபான் ஏ டைம் இன் மெட்ராஸ்’. படத்தின் கதை
உயிருக்கு போராடும் மனைவியை காப்பாற்ற பணத்திற்காக அலையும் கேரக்டரில் பரத் சிறப்பாக நடித்துள்ளார்.
துப்புரவு தொழிலாளி கதாபாத்திரத்திஸ் இயல்பாக நடித்திருக்கும் அபிராமி, தன் மகன் மனதளவில் பெண்ணாக மாறினாலும், அவரை அரவணித்து பாசம் காட்டுவதோடு, அவர் நன்றாக படிக்க வேண்டும், என்ற ஆசையோடு பயணிக்கும் காட்சிகளில் கனகச்சிதமாக நடித்து கைதட்டல் பெறுகிறார்.
அஞ்சலி நாயர், தனக்கு ஏற்பட்ட சதியில் இருந்து மீள்வதற்கான நடவடிக்கையில், தன் அதிரடி நடிப்பின் மூலம் மூலம் நன்றாக வெளிப்படுத்தியுள்ளார். ஜாதி வெறி பிடித்த தலைவராக தலைவாசல் விஜய் சிறப்பாக நடித்துள்ளார்.
கல்கி, ராஜாஜி, கனிகா, எம்.ஜெகன் கவிராஜ், அரோல் டி.சங்கர், ஷான், பி.ஜி.எஸ் என இதில் நடித்த அனைவருமே அவரவர் கதாபாத்திரம் உணர்ந்து சிறப்பாக நடித்துள்ளனர்.
ஒளிப்பதிவாளர்கள் கே.எஸ்.காளிதாஸ் மற்றும் கண்ணா.ஆர் கதைக்கு ஏற்ப அழகாக படம் பிடித்துள்ளனர்.
ஷான் லோகேஷ் எடிட்டிங் திரைக்கதையின் சுவாரஸ்யத்திற்கு உதவியிருக்கிறார்.இசையமைப்பாளர் ஜோஸ் பிராங்க்ளின் இசையில் பாடல்கள் பிண்ணனி இசை ரசிக்கவைக்கிறது.
உண்மை சம்பவம் ஒன்றை மையக்கருவாக எடுத்துக்கொண்டு துப்பாக்கி ஒன்றை மையப்புள்ளியாக வைத்துக் கொண்டு எல்லோரும் ரசிக்கும்படி சுவாராஸ்யமாக சொல்லியிருக்கிறார் இயக்குநர் பிரசாத் முருகன். பாராட்டுக்கள்.
நல்ல படத்தை தயாரித்துள்ள கேப்டன் M P ஆனந்துக்கும் வாழ்த்துக்கள்